مره يقولولنا بدا ومره يقولو لا... ليبيا ماكس أو واي ماكس

موسوعة المنتدى السبت يناير 24, 2009 1:46 am

في نهاية 2008 قالو إنه بدا توزيع منافذ خدمة الإنترنت الجديدة واي ماكس من شركة ليبيا للاتصالات والتقنية، أو مايعرف عندنا بـ: LTT ، ولما مشينا للشركة قالو لا، تدفع، لكن التوزيع مازال...

بعدين العالم يقول إنه سرعة الخدمة 70 ميجابايت، يعني كيف اليابان... والله يمشو وخلاص، ياحبايب السرعة 2 ميجابايت في الثانية، يعني أسرع من ADSL بأقل من 4 مرات... بس ممتاز جداً لو بالسرعة هذي...

في حالة تم فتح خدمة الربط باستخدام الألياف البصرية وهي البدل عن الناقلات الكهربائية حنوصلو للرقم اللي يحكو عليه، لأنه الألياف البصرية قدرتها عالية جداً، ومن الممكن ربط شبكة محلية بسرعة تبادل معلومات تصل إلى 10 جيجابايت في الثانية الواحدة، يعني شيء يفوق الوصف، وأسرع حتى من سرعة تصفحك للأقراص المحلية على جهازك الشخصي.

نصيحتي الشخصية لكم... ماتخلوكمش مستعجلين، لو بدو يوزعو في الخدمة عطوها وقتها، وشوفوها عند ناس أخرى، لأنها حتطور في فترة قصيرة جدا من توزيعها، يعني بالعربي ماتشروش توه، اشرو بعد بدء التوزيع بــ5 إلى 6 أشهر على الأقل، ومافيش حاجة اسمها العدد محدود، حتشوفو... حتلقوهن معرمات بعد مدة.. مش كيف الريفي اللي انخدعنا فيه، قالو كمية، بعدها انقطع، والي خذاه ما استفادش منه إلا في التلفون، الإنترنت غالي وتعبان، وحتى الفاكس مايشتغل عليه، أنواع معينة من الفاكسات وكلهن غاليات... يعني بالعربي خوذو نصيحة مجرب..

وسلام
أمير القمر

Swedik الإثنين يناير 26, 2009 12:02 am

اهو بدا

لا مزال شويا

انقولك رد علينا يوم السبت

يا راجل يوم السبت عطلة

راجعنا يوم الخميس

في واحد يجي يوم العمل الداخلي

وهكذا

بعدين قالك الي يراجي خير من الي يتمنى

الأميرة الإثنين يناير 26, 2009 1:46 am

خلاص ياأميرالقمر جربه انت وقولى على النتيجه وانا عارفه عمرى مانندم لو جاتنى النصيحه منك وانا فى انتظارك

b@t night الإثنين يناير 26, 2009 1:54 am

يوم الاحد الجاي انشاء الله يبدو التوزيع ......لوتبي قولي
520 اووووووووووووووووووووف

الأميرة الإثنين يناير 26, 2009 2:36 am

لالالالالا امير القمر يجرب قبل ويقول رأيه ونحن ثقتنا به كبيره

موسوعة المنتدى الإثنين يناير 26, 2009 5:41 pm

وين ياأهلاوي القصة صارت معاي في الآي دي إس إل

خذيته أربعاء.. المفروض يتفعل ثاني يوم..
ماصار شي الخميس
جيتهم
قالو اليوم عمل داخلي
قلتلهم يعني السبت
قالو لا مايصير شي الأحد..
قلتلهم باهي خوذوه خلوه عندكم لعند يوم الأحد
قالو خليه معاك الأحد أكيد...... نهاية القصة
إنه ماصار شي لعند يوم الأربعاء الآخر..
ليش مش عارف..

حاضرين يا أميرتنا
حنشوف حد خذاه ونقولك رأيي..

يا سي خفاش.. بالله ريحنا.. كنك تبي تاخذ وزايدات عليك هالـ520 عدي
لكن نحنا ياسيدي نبو نتأكدو من ناحية الجودة أولا... مش نحط فلوسي فحاجة مش مضمونه..

منورين..

أمير القمر

مره يقولولنا بدا ومره يقولو لا... ليبيا ماكس أو واي ماكس

مره يقولولنا بدا ومره يقولو لا... ليبيا ماكس أو واي ماكس

رد: مره يقولولنا بدا ومره يقولو لا... ليبيا ماكس أو واي ماكس

ومنكم نستفيد

خلاص راهو وصل

لالالالالالا يا b@T NIGHT

كان على أنا... مازال شوي