ياصاحبي ودى معاك انخرف ...

mafia girl الأحد يناير 11, 2009 12:22 am

ياصاحبي ودي معاك انخرف *** مليان خاطري ملية غدير امطرف

انريـــــــــــد حكـــــــــــــاية *** اتحيد جضار العقل حال الغايه

ونجيب البعيد قريب في سهرايه *** وتسمع جديد مع سهاري شرف

ميط مالعرب مايعرفوا معنايه *** وجملة سهاريهم العقل اتقرف

لانريدهم لايقعدوا يالايه *** ديما معاهم عالخطا نشرف

لاينهضوك ولا بهم عنايه *** كيف النعاج الراكه الهكرف

*****
اعقيــــــل اعطيـــــــــب *** ومااتجيه غير اللي الراس اتشيب

اللي توزنه ميزان موش اقريب *** ويطلع عطيب معاه كي تصرف

لا ترافقه لاعاد ايجيك احبيب *** من حاشا عمل روحه خويل امترف

ياما فقدنا من رفيق ايخيب *** كريم وجه يندى مو عطيب امجرف

غديــــــــــــر في مصـــلوبه *** بعيد مالعرب كاتف عليه اشبوبه

فوق مالطواري عذوته مكبوبه *** مليان نين الجالته يذرف

لاروده رايد على مركوبه *** ولا جاه وارد بالقداحه غرف

من الماسك حومته مهلوبه *** في وطن خالي ماعليه اتعرف

*****انريــــــــــــــــد سهــــــــــاري *** في وطن منبوته رثم واجداري

وتلقي العزيب مع محاس حباري *** في وطن ساهل موش حيط حجرف

ويبقى عليك الزول مو متواري *** طول النظر فوق السراب امحرف

هاناك يبقى منعدل مشواري *** وتأخذ سهاري في جواب امزرف[/color]