هناك ناس .....جديدة

استعرض الموضوع السابق استعرض الموضوع التالي اذهب الى الأسفل

هناك ناس .....جديدة

مُساهمة  زهرة الربيـع في الإثنين نوفمبر 22, 2010 2:02 am

هناك ناس ........للشاعر عبدالجواد عقيلة

هناك ناس ماهو حي غير جسدها...........وهناك ناس ماتت صيتها خلدها

هناك نــــــــــــاس امـــــــــــــوات.............تحت اللحود وصيتهم ما مــــــــات
ناس هل مواقف عندهم بصمات..............ما ينتسي طول الحياة ومددهــــــا
وهناك ناس حية والضمير حياة.............وهذي هي اللي واجد اليوم عددهـــا
وهناك ناس تصبح ف الحياة وتبات........وتاكل وتشرب والدمـــــا مبردهـــــــا
وهناك ناس ما تعرف لها موجــات........تشوش وتصفي ف المجاز وحدهـــــا
وهناك ناس مرداها وجوة ابذات..........ان كان ريتهم نفسك يزيد نكدهــــــــــا
وهناك ناس ياساتر لها رايـــات...........ابيض م الغراب امقعدات اسعدهـــــــا
وهناك ناس حد البخل هم بالذات..........الواحد خذا ع المادة عابدهــــــــــــــــا
لاعمر زكي لا عطي حسنـــــات...........كنود ما شكر نعمة الله جاحدهــــــــــا
لكن ابواب الله مفتوحـــــــــات...........واللي قاسمة تاتيك في موعدهــــــــــا
سبحان قدرته خالق المخلوقات..........اللي في الاجساد ارواحنا وجدهـــــــــــا
والوان ولغاوي الناس مختلفات.........وكل ناس من معدن حسب موردهــــــــا
وهناك ناس حية مالهاشي اصيات......وهناك صيت حايا ناس تحت الحدهــــــــا
وهناك ناس معدنها نقي نيــــــات.......كيف الحليب قلوبهم تاجدهـــــــــــــــــــــــا

هناك ناس ماهو حي غير جسدها.......وهناك ناس ماتت وصيتها خلدهــــــــــــا

هناك ناس صقـــــــــــــــــــــورة...........احياء بصيتهم حتي وهم في اقبــــــــورة
وهناك ناس حية وما عليها نورة.........وجوة عابسة والساهلة تعقدهـــــــــــــــا
وهناك ناس تفعل والقلوب غيورة.........ارباوة عصر للنفس من مولدهـــــــــــــا
وهناك ناس وان النايبـات صبورة........اصلاب الزمان بعزمها تقندهـــــــــــــــــا
وهناك ناس دوم بجيتك مسرورة..........لهم تنسجم ترتاح في مقعدهـــــــــــــــــا
وفية من سوي كي غيبة كي احضورة...اصفار علي اصفار اصفار من يفقدهـــا
وناس روسها يا ريتها مبتــــــورة........بياعة كرامة كل حد ناقدهــــــــــــــــــــا
اموات الضماير والنفوس غرورة........قليدهم ابليس افكارها سايدهــــــــــــــــا
خذوا البنادم غير لسم وصورة............انواع الرداوة صنفهم حوددهــــــــــــــــا
يجوا عند راسك يرسموا ثغبوره..........تفاصيلهم ع الحق يا مبعدهـــــــــــــــــا
م الفارغ ما ليين اجــــــــــرورة.........وفية ميط م اللي كلمتة بلـــــــــــــدهـــــا
وجميع ما يدير الحي بين اسطورة......التاريخ ما يرحم ولا يجحدهــــــــــــــــــــا
وراه الدهر للفناء سيــــــــــــــورة......ونتيجة ابذارك هي اللي تحصدهـــــــــــــا
خطرها الصيت وحيها وقبـــــــــورة.....وصاحبي اللي قصة احذاي جبدهــــــــــا
كلمات قلتن من خاطري وشعورة.......قليل من دسايس واجده جاحدهــــــــــــــا
يا من رزقت الحوت وسط بحورة.......طلبناك فرج بلغة مقصدهــــــــــــــــــــــــا
وصلاتي علية اللي هدانا نوره..........شفيعا غدا يوما يجي موعدهــــــــــــــــــا

هناك ناس ماهو حي غير جسدها......وهناك ناس ما تت صيتها خلدهــــــــــا


وسلمتوا lol! lol!
avatar
زهرة الربيـع

عدد المساهمات : 4590
نقاط : 20826
تاريخ التسجيل : 26/12/2008
العمر : 36
الموقع :

الرجوع الى أعلى الصفحة اذهب الى الأسفل

رد: هناك ناس .....جديدة

مُساهمة  حمامة السلام في الإثنين نوفمبر 22, 2010 10:19 pm

مشكورة حلو منك يا زوزو
avatar
حمامة السلام

عدد المساهمات : 362
نقاط : 13846
تاريخ التسجيل : 29/07/2010
العمر : 24
الموقع : ليبيا وافتخر

الرجوع الى أعلى الصفحة اذهب الى الأسفل

رد: هناك ناس .....جديدة

مُساهمة  بسمة في الإثنين نوفمبر 22, 2010 11:34 pm

هناك ناس ماهو حي غير جسدها...........وهناك ناس ماتت صيتها خلدها

وهناك ناس حية وما عليها نورة.........وجوة عابسة والساهلة تعقدهـــــــــــــــا
وهناك ناس تفعل والقلوب غيورة.........ارباوة عصر للنفس من مولدهـــــــــــــا

تى كلام خطير وليا زمان ماقريت حاجات حلوة هكي منورة يازهورة لانك الوحيده اللى مانسيت المنتدى ومنورتيه دينا لنقانك منورة

_________________


جون الصقع
avatar
بسمة

عدد المساهمات : 1037
نقاط : 16906
تاريخ التسجيل : 25/04/2009
العمر : 32
الموقع : قدامك

الرجوع الى أعلى الصفحة اذهب الى الأسفل

السلام عليكم ورحمة الله وبركاته

مُساهمة  المؤمنه في الأربعاء نوفمبر 24, 2010 12:31 am

هناك نــــــــــــاس امـــــــــــــوات.............تحت اللحود وصيتهم ما مــــــــات
الله يرحمهم وايسامحهم وسبحان الله كيف عشنا بلاهم
وجزاك الله كل خير يا زهرة المنتدى ودمتي للمنتدى
سلمت يداك...
avatar
المؤمنه

عدد المساهمات : 375
نقاط : 16103
تاريخ التسجيل : 21/05/2009
الموقع : مجالس الذكر

الرجوع الى أعلى الصفحة اذهب الى الأسفل

رد: هناك ناس .....جديدة

مُساهمة  السحابه في الأربعاء نوفمبر 24, 2010 12:14 pm

هناك ناس ماهو حي غير جسدها......وهناك ناس ما تت صيتها خلدهــــــــــا


الله علي الكلام حلو منور
avatar
السحابه

عدد المساهمات : 5977
نقاط : 22518
تاريخ التسجيل : 09/11/2008
العمر : 36
الموقع : في هذه السمــــــــاء

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى