sloma
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

إهداء إلى العاملين بمكتب العمارة للاستشارات الهندسية

+2
mafia girl
ahlawy
6 مشترك

اذهب الى الأسفل

إهداء إلى العاملين بمكتب العمارة للاستشارات الهندسية Empty إهداء إلى العاملين بمكتب العمارة للاستشارات الهندسية

مُساهمة  ahlawy الثلاثاء أغسطس 03, 2010 1:09 am

يحكى ان راعي أغنام فوجئ بسيارة جديدة
تقف قريبا من قطيعه ويخرج منها شاب حسن
الهندام ويقول له: إذا قلت لك كم عدد
البهائم التي ترعاها هل تعطيني واحدا منها ؟
أعجب الراعي بذلك وأجاب بنعم.
فأخرج الشاب كمبيوترا صغيرا وأوصله
بهاتفه النقال ودخل الإنترنت، وانتقل
إلى موقع وكالة الفضاء الأمريكية، حيث
حصل على خدمة تحديد المواقع عبر
الأقمار الصناعية ( جي.بي.إس)،
ثم فتح بنك المعلومات وجدولا في إكسل
وخلال دقائق كان قد حصل على تقرير من 150 صفحة.
وبعد قراءة التقرير بدقة وإجراء بعض
الحسابات، التفت نحو الراعي وقال له:
لديك 1647 رأسا من البهائم، وكان ذلك صحيحا.
فقال له الراعي: تفضل باختيار الخروف الذي يعجبك.
فنزل الشاب من سيارته وحام بين القطيع ثم حشر الحيوان الذي وقع عليه اختياره
في الصندوق الخلفي للسيارة.
عندئذ قال له الراعي: لو استطعت أن أعرف
طبيعة ونوع عملك هل تعيد إلي خروفي؟
وافق الشاب.
فقال له الراعي: أنت مستشار.
فدهش الشاب وقال: هذا صحيح ولكن كيف عرفت ذلك؟
فقال له الراعي: بسيطة.
أولاً لقد أتيت إلى هنا دون أن يطلب منك أحد ذلك.
وثانياً لقد تدخلت في عملي وأنت لا تعرف شيئا عنه.
وثالثاً لقد سعيت لنيل مكافأة عن عملك في الإجابة على سؤال بسيط غير ضروري أنت
طرحته ولم تكن تعرف الإجابة عنه بينما كنت أنا أعرف إجابته سلفاً.
وهذه أساس صفات المستشارين. على كل حال أرجو أن تخرج كلبي من صندوق
سيارتك فإنه ليس خروفا !!

ألا يذكركم هذا بمن تعرفونهم من
المستشارين والخبراء الموجودين عندنا
بالمئات وربما بالالاف؟هههههههههههههههههه
ahlawy
ahlawy

عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  mafia girl الثلاثاء أغسطس 03, 2010 2:40 am

هاهااااااااااااااااااااااااااااااااهاا والله نضحك من جدى .. هااااااااااااااااهاههههههههههه.
نحنا عندنا الكل خبير في كل حاجه تحتاج خبره هههههههه ترجمو الجمله انتو lol! lol!
mafia girl
mafia girl

عدد المساهمات : 5054
نقاط : 31710
تاريخ التسجيل : 05/11/2008
العمر : 39
الموقع : هنا في التركينة

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  b@t night الثلاثاء أغسطس 03, 2010 3:06 am

الله يرحم لما كان مكتب الاستشاري (الصرح) كل يوم يجي معمل شركه البحر اشراف مكتب العماره.......بيش يشوفو النتائج.......بتاع الخرسانه..ههههههههه.. بس مش هذي المشكله....لو ممكن تختارو مهندسين وزنهم اقل من 100 كيلو...
b@t night
b@t night

عدد المساهمات : 628
نقاط : 28166
تاريخ التسجيل : 20/01/2009
العمر : 45
الموقع : B@t night...!!!!!

http://www.hi5.com/friend/profile/displaySameProfile.do?userid=2

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  EZMERALDA الثلاثاء أغسطس 03, 2010 12:46 pm

ألا يذكركم هذا بمن تعرفونهم من
المستشارين والخبراء الموجودين عندنا
بالمئات وربما بالالاف؟


لله يرحم لما كان مكتب الاستشاري (الصرح) كل يوم يجي معمل شركه البحر اشراف مكتب العماره.......بيش يشوفو النتائج.......بتاع الخرسانه..ههههههههه.. بس مش هذي المشكله....لو ممكن تختارو مهندسين وزنهم اقل من 100 كيلو...




نشوف الاول المهندسين اللي في مكتب العمارة قبل شن يقولو قبل لأني معاهم مش ضدهم اكيد


معلش اهلاوي انا من انصار مكتب العمارة
EZMERALDA
EZMERALDA

عدد المساهمات : 1624
نقاط : 29756
تاريخ التسجيل : 15/02/2009
الموقع : في قلب من يحبني

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  ahlawy الأربعاء أغسطس 04, 2010 1:53 am

باهي تمام .. توا ديما انابشوا جماعة العماره بيش انشوفوا بات نايت ..شكللك امكبد عالعماره ومش متحمل شي فيهم..
مرحباً بعودتك بات نايت..تحياتي لك..
يبدوا أن أزميرالدا هي أيضاً من المهندسين الاستشاريين بمكتب العماره أو أنا غلطان !ّ!!!
مشكورين عموماًعلى ردودكم ..ونصيحة للمافيا ، بلاش شماته في جماعة العماره .. راهو اللي يسلف السبت يلقاه الاحد ... تحياتي للجميع ..
ahlawy
ahlawy

عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  EZMERALDA الأربعاء أغسطس 04, 2010 1:50 pm

باهي تمام .. توا ديما انابشوا جماعة العماره بيش انشوفوا بات نايت ..شكللك امكبد عالعماره ومش متحمل شي فيهم..

رد بايت نايت بالطريقه هذي ممكن لانه عارف شغله كويس وعارف امكانياته وعارف نفسه ممكن دفاعه علي مكتب العمارة وممكن لأسباب شخصيه

يبدوا أن أزميرالدا هي أيضاً من المهندسين الاستشاريين بمكتب العماره أو أنا غلطان !ّ!!!

يعني عشن قلت اني من انصار مكتب العمارة ........؟؟؟؟ ممكن لأن عندي فيها ناس نعرفهم ؟؟؟؟؟؟؟؟؟؟ وبصراحه ناس نحترمهم واجد .....لكن خليني انتناقش معاك عل الموضوع من وجهه نظري

بات نايت ذكر مكتب الصرح مع اني مش عارفه ليش ذكر المكتب هذا ممكن؟؟؟؟؟؟ مش عارفه.....
المهم هو مقعدش مكتب هو قعد شركه والمهندس ن........ عنده كوادر جيده وناس معروفين يعني مننكرش انه كويس
لكن مكتب العمارة تبع الدوله وممكن امكانياته افضل لكن لأنه مكان يتبع الدوله فأكيد فيه ناس مش شرط انهم كلهم كويسين يعني محدش ايقارن مكتب خاص بمكتب دوله لأن الخاص يهمه انه ينجح ويهمه المادة والسمعه لذلك يمسك فالخبرات بعكس مكان للدوله

مكتب العمارة عندة كوادر كويسه واجدة ومحدش ينكر ان فيه وحدين معروفين وناس تعلمت منا واجد وطلعت برا وناس استفادت منه واجد وفيه شباب ماشالله عليهم لكن

انت ذكرت في القصه
أولاً لقد أتيت إلى هنا دون أن يطلب منك أحد ذلك.هذا لاينطبق ع المكتب لان كل مكان ميقدروش يخشو فيه الا لما يقعد عندهم عقد فيه

وثانياً لقد تدخلت في عملي وأنت لا تعرف شيئا عنه.
المشكله دائما تكمن في الطرف الثاني احيانا مهندس يلقا نفسه يتعامل مع ناس عندها قشور ويقعدو يغلطو في المهندس ودائما نسمع انه المهندس ميفهمش في حين انك تتفاجأ لما يعطوك ورقه يقولولك دير رساله تخاطب فيها عقول مش مهندسين والمشكله لما تقعد انك تبي تحكي علي امور فنيه ميفهمهاش الا مهندس وبعدين يقولو (المهندس مينفعش )

وثالثاً لقد سعيت لنيل مكافأة عن عملك في الإجابة على سؤال بسيط غير ضروري أنت
طرحته ولم تكن تعرف الإجابة عنه بينما كنت أنا أعرف إجابته سلفاً.


اي مكافأه ؟؟؟
لكن لو بنحكو ع المرتبات اعتقد ان مكتب العمارة مرتبات؟؟ ومعرفتش بصراحه اي مكافأه ؟؟؟؟؟؟؟؟؟



لو نبو نجو للمشاريع اللي ماسكنهن مكتب العمارة ولو اننا انقولو التأخير اللي صاير فيهن العجز مش من المكتب بالعكس انا نقولك ان فيه ناس ماشالله عليهم لكن القضيه مش من العناصر اللي يشتغلو فالمكتب بكل ولا هي مشكله المكتب في امور عامة الناس ميعرفوهاش وياريت يقعد في وعي اكثر مش التحامل عل العناصر؟؟؟؟؟؟؟؟
لكن طبعا دائما التحامل ع المهندس وانه ميفهمش وانه وانه .......

بس انا طبعا خذيت مكتب العمارة بس لانك درتا موضوع واكيد في كل مكان في هكي وفي هكي لكن للأسف لاننا كلنا عارفين وكل حاجة ؟؟؟؟؟؟؟؟؟
واخيرا اهلاوي سامحني للإطالعة وسامحني للرد لكن الإختلاف في الرأي لايفسد للود قضيه وانت فاهم؟؟؟
تحياتي

EZMERALDA
EZMERALDA

عدد المساهمات : 1624
نقاط : 29756
تاريخ التسجيل : 15/02/2009
الموقع : في قلب من يحبني

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  ahlawy الخميس أغسطس 05, 2010 1:34 am

مشكورة أزميرالدا على الرد وأكيد الأختلاف في الرأي لا يفسد للود قضية.. بس أنا مش فاهم !!!
الموضوع كله مجرد قصة ظريفه ومالهاش علاقة لا بالعمارة ولا بأي حد.. بس أنا حبيت انبصر مع جماعة العمارة على أساس المنتدى فيه واجدين يشتغلوا فيه .. هذا كل ماهنالك ..أرجو إن ماحدش فهم الموضوع بطريقة أخرى .. تحياتي ..
ahlawy
ahlawy

عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  EZMERALDA الجمعة أغسطس 06, 2010 11:01 pm

اهلاوي بالعكس انا اكيد مفهمتش غلط
وبالعكس انا اكيد فاهمه انك بتنابش جماعة مكتب العمارة مع ان الباين ان بس بات نايت اللي في المكتب لانه هو اللي رد

وهي كانت من باب الدعابة انا عارفه ويمكن انا ردي كاين بطريقة تفسير لبعض اللي يصير في بلادنا وانا منقصدكش انت ولا الموضوع بالعكس انت تحكي في واقع

واخيرا ان شالله منكونش زعلتك فالرد بس
EZMERALDA
EZMERALDA

عدد المساهمات : 1624
نقاط : 29756
تاريخ التسجيل : 15/02/2009
الموقع : في قلب من يحبني

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  زهرة الربيـع الجمعة أغسطس 06, 2010 11:41 pm

هههههههه مشكور أهلاوي عالمشاركة الحلوة

مين طفى النور ...كنكم ؟؟؟ الموضوع دعابة ونكتة ليش ردودكم واجدة وواعرة هكي؟

حي عليا توا نحصل رد اطول وأوعر منهن Suspect Suspect Suspect Suspect

تحياتي
زهرة الربيـع
زهرة الربيـع

عدد المساهمات : 4590
نقاط : 32301
تاريخ التسجيل : 26/12/2008
العمر : 42
الموقع :

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  EZMERALDA الجمعة أغسطس 06, 2010 11:51 pm


مين طفى النور ...كنكم ؟؟؟ الموضوع دعابة ونكتة ليش ردودكم واجدة وواعرة هكي؟

حي عليا توا نحصل رد اطول وأوعر منهن


لا زهورة بالعكس كل واحد يقول رأيه وانا لما رديت مرديتش عل الاهلاوي بالعكس انا رديت علي واقع يصير في بلادنا والاخص في بنغازي وانا ذكرت قبلك ان الاهلاوي من باب الدعابه

ومفهمتش ليش اتحصلي علي رد اطول واوعر منهن زهورة؟؟؟؟؟؟؟؟؟؟؟؟؟؟؟

نكرر اسفي للأهلاوي
EZMERALDA
EZMERALDA

عدد المساهمات : 1624
نقاط : 29756
تاريخ التسجيل : 15/02/2009
الموقع : في قلب من يحبني

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  السحابه الثلاثاء أغسطس 24, 2010 10:19 pm

أول ماقريت العنوان تخيلت الأهلاوي ينابش ...بس بعد قريت القصة رقتلي ليش اخترت القصة هذه عشان تقرنها بمكتب العمارة
وكنت نبي نرد رد قوي بس بعد نزلت وقريت رد ازميرالدا خلاص بردت بصراحة كفت ووفت قالت كل اللي نبي انقوله..سلم قرعتنا...
انا ماكنتش قاعده لما كان الموضوع هذا نازل...

بس نبي نقولك حاجه انا نشتغل في المكتب ليا خمس سنوات والمشكله مش في الكوادر اللي تشتغل فيه المشكله في الاداة
وهذه مشكلة البلاد كلها ...بعدين المكتب كيف ماقالت ازميرالدا فيها ناس تثقل بالذهب امكانياتهم فوق الوصف بس للأسف مالقوش فرصتهم

المهم مانبيش نحكي اكثر هكي ساد
منور اهلاوي عالقصة
السحابه
السحابه

عدد المساهمات : 5977
نقاط : 33993
تاريخ التسجيل : 09/11/2008
العمر : 42
الموقع : في هذه السمــــــــاء

الرجوع الى أعلى الصفحة اذهب الى الأسفل

إهداء إلى العاملين بمكتب العمارة للاستشارات الهندسية Empty رد: إهداء إلى العاملين بمكتب العمارة للاستشارات الهندسية

مُساهمة  mafia girl الأربعاء أغسطس 25, 2010 5:26 am

Suspect Suspect Suspect مش شورى ..الحق ماعندى ما نكتب اي رد بس اهو درتو جو هنا هههه Suspect Suspect
mafia girl
mafia girl

عدد المساهمات : 5054
نقاط : 31710
تاريخ التسجيل : 05/11/2008
العمر : 39
الموقع : هنا في التركينة

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى