توزيع الثروة
+8
أمير برقى
موسوعة المنتدى
sloma
EZMERALDA
زهرة الربيـع
mafia girl
الشاطر حسن
ahlawy
12 مشترك
صفحة 1 من اصل 2
صفحة 1 من اصل 2 • 1, 2
توزيع الثروة
السلام عليكم .. تفتتح الجلسة ،،
هناك موضوع شغل الليبيين والليبيات على مدى الاعوام القليلة الماضية ألا وهو موضوع توزيع الثروة على كل الليبيين .. وقد قامت المؤتمرات بطرح هذا الموضوع خلال فترة إنعقادها خلال الايام الماضية .. لهذا رأيت أن نقوم بعقد جلسة لمناقشة هذا الموضوع الهام والخطيرعلى أعضاء المؤتمر الشعبي الأساسي منتدى سلوما المركز .. ليدلو كل منهم بدلوه .. بسم الله من اللي يبدأ ...
هناك موضوع شغل الليبيين والليبيات على مدى الاعوام القليلة الماضية ألا وهو موضوع توزيع الثروة على كل الليبيين .. وقد قامت المؤتمرات بطرح هذا الموضوع خلال فترة إنعقادها خلال الايام الماضية .. لهذا رأيت أن نقوم بعقد جلسة لمناقشة هذا الموضوع الهام والخطيرعلى أعضاء المؤتمر الشعبي الأساسي منتدى سلوما المركز .. ليدلو كل منهم بدلوه .. بسم الله من اللي يبدأ ...
ahlawy- عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home
رد: توزيع الثروة
خايف كان نسخن نقول كلام يسكروا عليه المنتدى و نسمع الشيلا تعيط قدام حوشنا ..
بس توا نمسك اعصابي و نقول الي فيه النصيب.... و انت الي قلت ناقشوا يا اهلاوي و ماتخافوش ..
طبعا كيف ما قال الاهلاوي فان حديث الساعة في هذه الأيام في ليبيا موضوع توزيع الثروة على الليبيين وإلغاء جميع الأمانات باستثناء أمانات السيادة وهي أمانة الخارجية والداخلية والعدل والدفاع وتمليك قطاعين التعليم والصحة لليبيين أي تخلي الدولة نهائياً على إدارة هذين القطاعين الحيويين.
فانقسم الشعب الليبي إلى فرقين فريق يؤيد بقوة فكرة توزيع الثروة وحصولهم على إيرادات النفط مباشرة آملين في أن يتحسن حالهم ويودعون حياة الفقر إلى حياة يملئه البذخ والترف بأموالهم أموال النفط.
وكذلك يؤيد هذا الفريق إلغاء الأمانات ويصفون جميع الأمناء بأنهم سراق التهمو الأخضر واليابس وساهموا بشكل كبير في إفقار المواطن الليبي وساهموا في سرقة المال العام وتحويله إلى خارج البلاد وساهموا أيضا في انتشار الوساطة والرشوة بين الليبيين .
أما الفريق الثاني يعارض بشدة فكرة توزيع الثروة وإلغاء الأمانات وتمليك قطاعين التعليم والصحة مبرراً معارضته بأن توزيع الثروة على الليبيين سوف يؤدي إلى ارتفاع الأسعار و لان الثروة متعلقة بسعر النفط فاذا كان النفط على ما هوا عليه فسيكون لكل مواطن او كل كتيب مش عارف 5000 دينار ليبي فكيف اذا انخفض سعر النفط ؟؟؟ سيقل مبلغ الثروة و ترتفع الاسعار زيادة .. و سلمولي انتو ...
وكذلك يقول الفريق الثاني المعارض لفكرة توزيع الثروة وإلغاء الأمانات وتخلى الدولة عن إدارة قطاعين التعليم والصحة يقول لا يمكن أن تتخلى الدولة عن وجباتها اتجاه الشعب
فهم على مر السنوات الماضية عجزوا في إدارة الدولة وفي تقديم الخدمات للمواطنين رغم أن جميع المسؤولين اشرفوا على جميع الإدارات فتجد احد المسؤولين يتم اختياره مسؤول على الصحة ثم لا يفلح في إدارة هذا القطاع يتم نقله إلى قطاع أخر وهكذا تجول جميع المسؤولين وأداروا جميع القطاعات ولم يفلحوا
إذا لا يمكن أبداً أن تتخلى الدولة بكل بساطة عن هذين القطاعين ولا يمكن أبداً أبداً أن تدير الدولة ظهرها وتتخلى على المواطن البسيط.
فيجب أن تعيد الدولة النظر في دراستها لفكرة توزيع الثروة ويجب عليها إيجاد بدائل أفضل من توزيع الثروة وإيجاد حلول ليتمكن المواطن الليبي عيش حياة كريمة فالدولة مسؤولة على ذلك.
سننتظر ونرى إن غداً لناظره قريب وما أحوجنا لغد يمنحنا التقدم ويحقق لنا الآمال و الطموحات..
"ليــــــــــــبـــــــــــــــيا الغــــــــــــــــــــــــــــــــــــــــــــــد"
التي طــــــــــــــــــــــــــــــــــال انتظارها.
بس توا نمسك اعصابي و نقول الي فيه النصيب.... و انت الي قلت ناقشوا يا اهلاوي و ماتخافوش ..
طبعا كيف ما قال الاهلاوي فان حديث الساعة في هذه الأيام في ليبيا موضوع توزيع الثروة على الليبيين وإلغاء جميع الأمانات باستثناء أمانات السيادة وهي أمانة الخارجية والداخلية والعدل والدفاع وتمليك قطاعين التعليم والصحة لليبيين أي تخلي الدولة نهائياً على إدارة هذين القطاعين الحيويين.
فانقسم الشعب الليبي إلى فرقين فريق يؤيد بقوة فكرة توزيع الثروة وحصولهم على إيرادات النفط مباشرة آملين في أن يتحسن حالهم ويودعون حياة الفقر إلى حياة يملئه البذخ والترف بأموالهم أموال النفط.
وكذلك يؤيد هذا الفريق إلغاء الأمانات ويصفون جميع الأمناء بأنهم سراق التهمو الأخضر واليابس وساهموا بشكل كبير في إفقار المواطن الليبي وساهموا في سرقة المال العام وتحويله إلى خارج البلاد وساهموا أيضا في انتشار الوساطة والرشوة بين الليبيين .
أما الفريق الثاني يعارض بشدة فكرة توزيع الثروة وإلغاء الأمانات وتمليك قطاعين التعليم والصحة مبرراً معارضته بأن توزيع الثروة على الليبيين سوف يؤدي إلى ارتفاع الأسعار و لان الثروة متعلقة بسعر النفط فاذا كان النفط على ما هوا عليه فسيكون لكل مواطن او كل كتيب مش عارف 5000 دينار ليبي فكيف اذا انخفض سعر النفط ؟؟؟ سيقل مبلغ الثروة و ترتفع الاسعار زيادة .. و سلمولي انتو ...
وكذلك يقول الفريق الثاني المعارض لفكرة توزيع الثروة وإلغاء الأمانات وتخلى الدولة عن إدارة قطاعين التعليم والصحة يقول لا يمكن أن تتخلى الدولة عن وجباتها اتجاه الشعب
فهم على مر السنوات الماضية عجزوا في إدارة الدولة وفي تقديم الخدمات للمواطنين رغم أن جميع المسؤولين اشرفوا على جميع الإدارات فتجد احد المسؤولين يتم اختياره مسؤول على الصحة ثم لا يفلح في إدارة هذا القطاع يتم نقله إلى قطاع أخر وهكذا تجول جميع المسؤولين وأداروا جميع القطاعات ولم يفلحوا
إذا لا يمكن أبداً أن تتخلى الدولة بكل بساطة عن هذين القطاعين ولا يمكن أبداً أبداً أن تدير الدولة ظهرها وتتخلى على المواطن البسيط.
فيجب أن تعيد الدولة النظر في دراستها لفكرة توزيع الثروة ويجب عليها إيجاد بدائل أفضل من توزيع الثروة وإيجاد حلول ليتمكن المواطن الليبي عيش حياة كريمة فالدولة مسؤولة على ذلك.
سننتظر ونرى إن غداً لناظره قريب وما أحوجنا لغد يمنحنا التقدم ويحقق لنا الآمال و الطموحات..
"ليــــــــــــبـــــــــــــــيا الغــــــــــــــــــــــــــــــــــــــــــــــد"
التي طــــــــــــــــــــــــــــــــــال انتظارها.
رد: توزيع الثروة
مشكور عضو المؤتمر السهم .. هيا اللي وراه على طول ..
ahlawy- عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home
رد: توزيع الثروة
هيا العضو اللي بعدا .. قول رأيك .. كنكم تبكشتوا ياهوووووووووووو رأي فقط .. كيف ترى أن يتم توزيع الثروة .. وماهي الطريقة المثلى لذلك ..هيا مانبيش أنادي بالاسم ...
ahlawy- عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home
رد: توزيع الثروة
تبو الحق انا لنقانى منعرفش نعبر لانى حنفترش في الكلام ..بس الى نعرفه ..
ان كل الطرق تؤدى الى روما يعنى سوا بالثروه او من غير ثروه كلها نفس الحياه لانهم دايرين معادله مستفزه في توزيعها ... يعنى بتوزيع الثروه حتغلا الدنيا ولاحد يهتم بالمرافق والخدمات العامه كله بفلووووووووس ..يعنى كيفها كيف قلتها ..
والله اعلم وخلاص .
. ولنقانك يا اهلاوى تنادى بالاسماء ...
ان كل الطرق تؤدى الى روما يعنى سوا بالثروه او من غير ثروه كلها نفس الحياه لانهم دايرين معادله مستفزه في توزيعها ... يعنى بتوزيع الثروه حتغلا الدنيا ولاحد يهتم بالمرافق والخدمات العامه كله بفلووووووووس ..يعنى كيفها كيف قلتها ..
والله اعلم وخلاص .
. ولنقانك يا اهلاوى تنادى بالاسماء ...
mafia girl- عدد المساهمات : 5054
نقاط : 31710
تاريخ التسجيل : 05/11/2008
العمر : 39
الموقع : هنا في التركينة
رد: توزيع الثروة
عضو المؤتمر صويدق .. عطوه ناقل الصوت .. يلا قسم وسمعني ...
ahlawy- عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home
رد: توزيع الثروة
ندير دورة الجماعة ونقوللكم انضم صوتي وكلامي لكلام وصوت مافيا لأنها قالت المفيد
تحياتي لكم
تحياتي لكم
زهرة الربيـع- عدد المساهمات : 4590
نقاط : 32301
تاريخ التسجيل : 26/12/2008
العمر : 42
الموقع :
رد: توزيع الثروة
خليك في الصف يا عضوة المؤتمر زهرة السوسن .. توا نعطوك الكلمة بعد صويدق .. هيا صويدق رأيك بالله .. أرجو الهدوؤ وإلا توا نرفع الجلسة ولا في ثروة ولا حتى قرش .. أهو قتلكم ..
ahlawy- عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home
رد: توزيع الثروة
معلش ممكن نرد قبل صويدق عموما توزيع الثروة كانت بناء على طلب البعض للثروة بس مش القصد منها التوزيع بالشكل اللي يقولي عليه يعني زيادة الاسعار لأن الأسعار اصلا أرتفعت بزيادة المرتبات القليلة وبعض من المؤسسات لم تزيد المرتبات كمكتب العمارة إلى الآن المرتبات كيف ماهن ومع ذلك تاقلمنا نحن الشعب الليبي علي اسعارنا واصلا مازالت في زيادة مستمره وتوزيع الثروة معناها زيادة الاسعار كلها وطبعآ اللي يهمنا احنا المواد الغذائية بالدرجة الاولى والصحة والتعليم .....ألخ... والثروة أصلا كم بتكون ؟ وهل تقدر تغطي المصاريف ؟ عمومآ زيادة الثروة مش حل لمعالجة وضع الكثير ممن يعانون من اوضاعهم ....... وهو لو حاجة تندار هي زيادة المرتبات بشكل يلائم كل واحد عاي حسب الدرجة ....بس بأسعارنا توا ...... والله المعاناه كلها للشباب الرجال اللي تقع علي عاتقهم مسؤوليات كبيرة ومهمتهم أصعب مما نحن نتصورها خاصه المقبل علي زواج وحتى اللي عندة أولاد وذو دخل محدود وكلنا يعرف البقيه
والخلاصة زيادة الثروه لن تكون حلا وإن شالله مايصيرش منها بالشكل هذا
والخلاصة زيادة الثروه لن تكون حلا وإن شالله مايصيرش منها بالشكل هذا
EZMERALDA- عدد المساهمات : 1624
نقاط : 29756
تاريخ التسجيل : 15/02/2009
الموقع : في قلب من يحبني
منورين
بارك الله فيك ياامين اللجنة الشعبية للمنتدي
ونشكر كل من امين اللجنة الشعبية لشعبية مرقب وامين اللجنة الشعبية لشعبية وادي الحياة
اما بخصوص توزيع الثروة فهي قصة طويلة كيف قصة المطرشق الموجودة في منتدنا
وشكرا
ونشكر كل من امين اللجنة الشعبية لشعبية مرقب وامين اللجنة الشعبية لشعبية وادي الحياة
اما بخصوص توزيع الثروة فهي قصة طويلة كيف قصة المطرشق الموجودة في منتدنا
وشكرا
رد: توزيع الثروة
شكرا لازميرالدا على التواصل وطرح مشكلة توزيع الثروة بطرقة حضارية.. ومشكور الاخ مدير المنتدى . وديرلنا زيارة اخرى عشان نسمعوا رأيك بوضوح ... العضو اصويدق عندا التهاب في الحنجرة لذلك نعطي ناقل الصوت الى السحابة او الاطيوش لنسمع رأيهم ..
ahlawy- عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home
رد: توزيع الثروة
ممكن بعد إذن أمانة المؤتمر "ندلي بدلوي" كما كان سابق التعبير
المعادلة الغريبة التي وضعت توزيع الثروة ونيل الشعب حصته المستحقة من عوائد النفط على كفة، وعلى الكفة الأخرى الارتفاع الهائل في أسعار السلع الاستهلاكية من مواد غذائية وغيرها هي سبب تردد نسبة كبيرة من الشعب الليبي وعزوفهم عن القبول بتوزيع الثروة على الشعب، ومن منظوري الشخصي المتواضع فإن الرابط الغريب بين الاثنين يجب أن لا يكون موجوداً، فإعطاء الشعب نصيبه من عوائد النفط معناه رفع دعم الدولة لاستيراد السلع، ومعناه أيضاً فتح باب الاستيراد على مصراعيه، فليبيا حتى الآن معزولة اقتصادياً عن العالم، ولا يتأثر سوقها بما يتأثر به العالم، فجميع المنتجات الاستهلاكية في أرجاء العالم انخفضت أسعارها نظراً للأزمة الاقتصادية العالمية، وليبيا بالعكس ارتفعت فيها الأسعار، لذا إن كفت الدولة يدها عن الاستيراد وفتحت الأبواب للتجار للاستيراد بحرية وفق اللوائح والتعليمات، وحسب نظام مقنن مناسب لجميع فئات الشعب، وبدون قيود تافهة ومحاربة للتاجر من جمارك أو رسوم مبالغ فيها، إن حصل هذا فسنرى كيف ستصبح أسعار السلع ملائمة ومناسبة، ولن نتراجع عن فكرة توزيع الثروة بعد ذلك، لكن اللي ينعطى باليمين يتخذ بالشمال هذا هو الهم..
ومشكورين
المعادلة الغريبة التي وضعت توزيع الثروة ونيل الشعب حصته المستحقة من عوائد النفط على كفة، وعلى الكفة الأخرى الارتفاع الهائل في أسعار السلع الاستهلاكية من مواد غذائية وغيرها هي سبب تردد نسبة كبيرة من الشعب الليبي وعزوفهم عن القبول بتوزيع الثروة على الشعب، ومن منظوري الشخصي المتواضع فإن الرابط الغريب بين الاثنين يجب أن لا يكون موجوداً، فإعطاء الشعب نصيبه من عوائد النفط معناه رفع دعم الدولة لاستيراد السلع، ومعناه أيضاً فتح باب الاستيراد على مصراعيه، فليبيا حتى الآن معزولة اقتصادياً عن العالم، ولا يتأثر سوقها بما يتأثر به العالم، فجميع المنتجات الاستهلاكية في أرجاء العالم انخفضت أسعارها نظراً للأزمة الاقتصادية العالمية، وليبيا بالعكس ارتفعت فيها الأسعار، لذا إن كفت الدولة يدها عن الاستيراد وفتحت الأبواب للتجار للاستيراد بحرية وفق اللوائح والتعليمات، وحسب نظام مقنن مناسب لجميع فئات الشعب، وبدون قيود تافهة ومحاربة للتاجر من جمارك أو رسوم مبالغ فيها، إن حصل هذا فسنرى كيف ستصبح أسعار السلع ملائمة ومناسبة، ولن نتراجع عن فكرة توزيع الثروة بعد ذلك، لكن اللي ينعطى باليمين يتخذ بالشمال هذا هو الهم..
ومشكورين
موسوعة المنتدى- عدد المساهمات : 702
نقاط : 28277
تاريخ التسجيل : 18/01/2009
العمر : 114
رد: توزيع الثروة
شكراً لمن ساهم ولمن صبى ولمن صفق .... واللي سكت أنقولا :
إذا الشعب يوماً أراد الحياة --- فلابد أن يستجيب القدر
ولابد لليل أن ينجلي --- ولابد للقيد أن ينكسر
الا انهض وسر في سبيل الحياة --- فمن نام لم تنتظره الحياة
مع تحيات أمانة المؤتمر الشعبي الاساسي - منتدى سلوما المركز
إذا الشعب يوماً أراد الحياة --- فلابد أن يستجيب القدر
ولابد لليل أن ينجلي --- ولابد للقيد أن ينكسر
الا انهض وسر في سبيل الحياة --- فمن نام لم تنتظره الحياة
مع تحيات أمانة المؤتمر الشعبي الاساسي - منتدى سلوما المركز
ahlawy- عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home
توزيع التروه
روحوا الجماعا
مافيش حد في القاعه يسمع فيا توا الواحد ايقول اللي عندا
ياهوووووو :عارفين انه اذا اردنا الحياه لا بد ان يستجيب القدر والكلام هضا كلا
لكن يا راجل ملينا من الدوه علي هذا البرنامج صدقني كيفا كيف الاراضي ابتاعات زمان
ولو تذكر (10000) وتوا الثروا و الفرضيات ابتاعها انا حتى الخطاب وين مابدن الفرضيات معش فهمت شي وعديت رقدت
وحتى لو خذيناها ماتسحبش لفلوس ودير هكي وما اتديرش هكي يا سيدي موش هنا افلوسنا وقالوا عدوا اشروا بيهن شكلاطا ولا خط ولوح كنها تغيرت الدوا...ومسك الختام ايوزعوها ما ايوزعوها عايشين بيها وبلاها والحمد لله والارزاق علي الله مش العبد
ارجوك ارجوك ارجوك فكنا من المواضيع هذين لأني ما انتحملش خير مانلقى روحي في مصرف الدم ما ادراك ما مصرف الدم ومستشفى العيون ايسير فيها زعم وين اديارا يا عين (لن يغير الله ما بقوم حتى يغيروا ما بأنفسهم)
مافيش حد في القاعه يسمع فيا توا الواحد ايقول اللي عندا
ياهوووووو :عارفين انه اذا اردنا الحياه لا بد ان يستجيب القدر والكلام هضا كلا
لكن يا راجل ملينا من الدوه علي هذا البرنامج صدقني كيفا كيف الاراضي ابتاعات زمان
ولو تذكر (10000) وتوا الثروا و الفرضيات ابتاعها انا حتى الخطاب وين مابدن الفرضيات معش فهمت شي وعديت رقدت
وحتى لو خذيناها ماتسحبش لفلوس ودير هكي وما اتديرش هكي يا سيدي موش هنا افلوسنا وقالوا عدوا اشروا بيهن شكلاطا ولا خط ولوح كنها تغيرت الدوا...ومسك الختام ايوزعوها ما ايوزعوها عايشين بيها وبلاها والحمد لله والارزاق علي الله مش العبد
ارجوك ارجوك ارجوك فكنا من المواضيع هذين لأني ما انتحملش خير مانلقى روحي في مصرف الدم ما ادراك ما مصرف الدم ومستشفى العيون ايسير فيها زعم وين اديارا يا عين (لن يغير الله ما بقوم حتى يغيروا ما بأنفسهم)
أمير برقى- عدد المساهمات : 102
نقاط : 27741
تاريخ التسجيل : 13/02/2009
العمر : 112
رد: توزيع الثروة
ريحوا بالكم اهو التغاء الموضوع هضا واللي خدا وقته وعدا والى الامام وانتوا طيبين
دنيا دينا- عدد المساهمات : 254
نقاط : 28264
تاريخ التسجيل : 05/11/2008
رد: توزيع الثروة
أولاً شكراً للأهلاوي علي مواضيعه القيمة التي تمس حياتنا اليومية
مع إني جيت متأخرة واجد ،لأن المايك إمتاعي مش واصله الضئ
لأنه قالوا إنه مقطوع عالمنطقة كلها ..المهم وبما أن الموضوع إلتغي
بس أنا ما كنتش مع توزيع الثروة لأن سلبياته أكثر من إيجابياته
وللعلم أنا مانندريش عالموضوع هذا اساساً كيف كاين يبي يصير
لأني حسيته سحابه عابرة وتجربة من هالتجارب
منورين كلكم وربي يستر ومن كفاح الي كفاح
مع إني جيت متأخرة واجد ،لأن المايك إمتاعي مش واصله الضئ
لأنه قالوا إنه مقطوع عالمنطقة كلها ..المهم وبما أن الموضوع إلتغي
بس أنا ما كنتش مع توزيع الثروة لأن سلبياته أكثر من إيجابياته
وللعلم أنا مانندريش عالموضوع هذا اساساً كيف كاين يبي يصير
لأني حسيته سحابه عابرة وتجربة من هالتجارب
منورين كلكم وربي يستر ومن كفاح الي كفاح
السحابه- عدد المساهمات : 5977
نقاط : 33993
تاريخ التسجيل : 09/11/2008
العمر : 42
الموقع : في هذه السمــــــــاء
رد: توزيع الثروة
إن من أعمالكم ماسلط عليكم أصلا نحن ما نحمدوش في ربي بكل القرار اللي يطلع نقعدوا انقوا وخلاص من قبل مايطبق مش عاجبنا شئ وأنا انقول في النهاية بكل الرزق علي الله محد ايموت من الشر ومحد ايموت نين ياخذ رزقه اللي كاتبه له ربي
الأسطورة- عدد المساهمات : 1424
نقاط : 29030
تاريخ التسجيل : 12/12/2008
العمر : 42
رد: توزيع الثروة
مسك الختام لهذا النقاش
ليبي سأل إماراتي .. كم راتبك . ؟؟
الإماراتي : راتبي 15000 درهم شهريا ,
وبدل سكن 90000 درهم سنويا ,
وبدل مواصلات 1200 درهم شهريا ,
وبدل غلاء معيشة 2000 درهم،
وبدل ماء وكهرباء 1000 درهم
وسيارة كل سنة وتأمين صحي للعائلة ومدارس خاصة لأولادي ,
وتذاكر سفر دولية عالدرجة الأولى مع العائلة لأي مكان في العالم
بعدين سأل الإماراتي الليبي : وأنت كم راتبك .؟
قال الليبي : راتبي 300 دينار ..!
قال هذي بدل أيش ..؟؟
قال : بدل ما أشحت
دنيا دينا- عدد المساهمات : 254
نقاط : 28264
تاريخ التسجيل : 05/11/2008
رد: توزيع الثروة
شنو هضا المؤتمر تما مهزلة .. نكت وتعليق بدون أخذ الأذن من ريس القعدة .. عفواً قصدي أمين الجلسة .. كيف يعني الإماراتي مرتبه 60 ضعف مرتب الليبي الحر السيد الذي إمتلك السلطة والثروة والسلاح .. أسف أسف لالالا الثروة مازال .. لا هضا كلام مش معقول بكل .. وتوا نبوا نختموا المؤتمر برفع التوصيات إلى اللجنة الشعبية للشعبية ألعب ياحوت الشعبية :
1/ يتم خفض سعر الصرف للدولار مقابل الدينار الليبي 1 دينارليبي = 3 دولار أمريكي
2/ يتم توفير فرص عمل للشباب الليبي من حملة المؤهلات ومن غيرهم
3/ زيادة المرتبات بحيث تتوافق مع غلا المعيشة وبحيث يستطيع كل فرد توفير ثلث المرتب
4/ القيام بتوفير السكن اللائق لجميع الليبيين مما يساعد في حل مشكلة السكن ودعم الناس من أجل البناء
5/ قيام الدولة بتسديد جميع أقساط السلف والقروض للمصارف بدلاً عن المواطنيين
6/ توفير الخدمات الصحية والتعليمية للجميع
7/ إصلاح البنية التحتية
وبهذا تكون الثروة قد وزعت على جميع الليبيين ..وبدون إستثناء ..
مع تحيات أمانة مؤتمر سلوما المركز
1/ يتم خفض سعر الصرف للدولار مقابل الدينار الليبي 1 دينارليبي = 3 دولار أمريكي
2/ يتم توفير فرص عمل للشباب الليبي من حملة المؤهلات ومن غيرهم
3/ زيادة المرتبات بحيث تتوافق مع غلا المعيشة وبحيث يستطيع كل فرد توفير ثلث المرتب
4/ القيام بتوفير السكن اللائق لجميع الليبيين مما يساعد في حل مشكلة السكن ودعم الناس من أجل البناء
5/ قيام الدولة بتسديد جميع أقساط السلف والقروض للمصارف بدلاً عن المواطنيين
6/ توفير الخدمات الصحية والتعليمية للجميع
7/ إصلاح البنية التحتية
وبهذا تكون الثروة قد وزعت على جميع الليبيين ..وبدون إستثناء ..
مع تحيات أمانة مؤتمر سلوما المركز
ahlawy- عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home
رد: توزيع الثروة
السلام عليكم ،، ها قد عادت الجلسة إلى الأنعقاد ومازال ماصار شي من توصيات المؤتمر .. البنية التحتية والفوقية زادن تعطبن ..والدنيا غلا في غلا .. والشقق من أربعين ألف وعدي..ولا صحة ولا تعليم كيف العالم والناس...
تؤمنوا بالله ،،، حتى سعر العمالة اللي عالجزيرة زاد إلى أكثر من الضعف ..بسبب قرار رفع قيمة الأقامة ..ولا حول ولا قوة الا بالله العلي العظيم ..
المهم هيا نبوا أعضاء المنتدى الجدد يعطونا رأيهم في الموضوع.. هيا ولعوا المايك .. من اللي يبدأ ..
تؤمنوا بالله ،،، حتى سعر العمالة اللي عالجزيرة زاد إلى أكثر من الضعف ..بسبب قرار رفع قيمة الأقامة ..ولا حول ولا قوة الا بالله العلي العظيم ..
المهم هيا نبوا أعضاء المنتدى الجدد يعطونا رأيهم في الموضوع.. هيا ولعوا المايك .. من اللي يبدأ ..
ahlawy- عدد المساهمات : 2006
نقاط : 29752
تاريخ التسجيل : 17/11/2008
العمر : 49
الموقع : home
منورين
نشكر امين اللجنة الشعبية لشعبية مرقب وعضو الموتمر المنتدب لموتمر سلومة
تحية طيبة وبعد
نحصروا النقاط الي التالي :
1-اما بخصوص المساكن للشباب "فالشباب غير محتاجين الي مساكن فلابد يمشوا الي افريقيا ليستثمروا حياتهم هناك ويجروا وره اليورنيوم والذهب في افريقيا
2- اما فلوس النفط فانشاء الله تلقوها قدمكم في افريقيا ليش اديروا في زحمة هنا
3- اما بخصوص العمالة الوافدة نحن شنو نبو فيهم لان الشباب عدوا ومعش في حد يبني او يحتاج الي عامل لذلك معش نبوا اي عمالة
المعادلة بسيطة جدا
تحية طيبة وبعد
نحصروا النقاط الي التالي :
1-اما بخصوص المساكن للشباب "فالشباب غير محتاجين الي مساكن فلابد يمشوا الي افريقيا ليستثمروا حياتهم هناك ويجروا وره اليورنيوم والذهب في افريقيا
2- اما فلوس النفط فانشاء الله تلقوها قدمكم في افريقيا ليش اديروا في زحمة هنا
3- اما بخصوص العمالة الوافدة نحن شنو نبو فيهم لان الشباب عدوا ومعش في حد يبني او يحتاج الي عامل لذلك معش نبوا اي عمالة
المعادلة بسيطة جدا
رد: توزيع الثروة
ممكن المايك:
انى اعترض اعترض على كلام الاخ سلومة ،لالالالالالالالالالالالالالالا سلبيه لالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
(على فكرة انا مش فاهمه حاجه لكن نشوف فيهم ديما يعترضو فى المؤتمراتفحبيت نعترض حتى انا)وانا مع الاخ اهلاوى كلامه ميه ميه ميه ميه
انى اعترض اعترض على كلام الاخ سلومة ،لالالالالالالالالالالالالالالا سلبيه لالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
(على فكرة انا مش فاهمه حاجه لكن نشوف فيهم ديما يعترضو فى المؤتمراتفحبيت نعترض حتى انا)وانا مع الاخ اهلاوى كلامه ميه ميه ميه ميه
بسمة- عدد المساهمات : 1037
نقاط : 28381
تاريخ التسجيل : 25/04/2009
العمر : 39
الموقع : قدامك
رد: توزيع الثروة
ليش يابسمة حتى السلبية اكويسة احيانن والله حتى فكرة انا انهجوا لوطا في افريقيا باهية وانخلوها الهم يلعبوا كيف مايبوا ويحفروا لين ايطقوا فينا فيى افريقيا
دنيا دينا- عدد المساهمات : 254
نقاط : 28264
تاريخ التسجيل : 05/11/2008
رد: توزيع الثروة
وح وح .. تى ولعو المايك كنه طفا ... ترامدولنا بتاريه ياهوه ... وح وح ..
سيداتى حضرات المستشارين امناء المؤتمرر الشعبي العام لمنتدى سلومه .. اما بعد ..
لقد تم ونرجوو........................................
............شششششششششششششششششششششششششش
ششششششششششششششششششششششششششششششششششششششششش
ششششششششششششششششششششششششششششششششششششش
(المايك خرب والصوت راح )
....
سيداتى حضرات المستشارين امناء المؤتمرر الشعبي العام لمنتدى سلومه .. اما بعد ..
لقد تم ونرجوو........................................
............شششششششششششششششششششششششششش
ششششششششششششششششششششششششششششششششششششششششش
ششششششششششششششششششششششششششششششششششششش
(المايك خرب والصوت راح )
....
mafia girl- عدد المساهمات : 5054
نقاط : 31710
تاريخ التسجيل : 05/11/2008
العمر : 39
الموقع : هنا في التركينة
رد: توزيع الثروة
أحم أحم السلام عليكم ورحمة الله وبركاته :
عندي كلام أو بلأحرى استفسار علي موضوع معين ويا ريت اللي عندا فكرة عليه يجاوبني
مش قلتوا غلاء الأسعار واليد العاملة وارتفاع اسعار مواد البناء و و و و و
باهي نبي انقوللكم حاجة عندي الشارع القريب من خلوتي أو الشارع الفاصل بين خلوتي والطريق كلــــ تقريباــــــــهم
علوا بيوتهم عالثالث وداروا من تحت مخازن زواق واللي فتح محلات واللي سقم المنظر الخارجي والله أعلم حتى الداخلي لمنازلهم ..........السؤال هوا ......من وين الفلوس اللي داروا بيهن هضا كلا في فترة تتراوح بين 5 إلى 10 أشهر ؟؟ "مع استنكارهم علي الوضع الحالي" ؟؟
وربي يعلم طبعا أنه مش حسد الحمد لله عايشين في نعمة لكن مستغربة في أن الناس كلها تعيط من الغلاء والحالة المادية مع هضا كلا تخطم من حذا حوش تلقاه يكسر ويصين الا من رحم الله طبعا ؟؟؟
جاوبوني
عندي كلام أو بلأحرى استفسار علي موضوع معين ويا ريت اللي عندا فكرة عليه يجاوبني
مش قلتوا غلاء الأسعار واليد العاملة وارتفاع اسعار مواد البناء و و و و و
باهي نبي انقوللكم حاجة عندي الشارع القريب من خلوتي أو الشارع الفاصل بين خلوتي والطريق كلــــ تقريباــــــــهم
علوا بيوتهم عالثالث وداروا من تحت مخازن زواق واللي فتح محلات واللي سقم المنظر الخارجي والله أعلم حتى الداخلي لمنازلهم ..........السؤال هوا ......من وين الفلوس اللي داروا بيهن هضا كلا في فترة تتراوح بين 5 إلى 10 أشهر ؟؟ "مع استنكارهم علي الوضع الحالي" ؟؟
وربي يعلم طبعا أنه مش حسد الحمد لله عايشين في نعمة لكن مستغربة في أن الناس كلها تعيط من الغلاء والحالة المادية مع هضا كلا تخطم من حذا حوش تلقاه يكسر ويصين الا من رحم الله طبعا ؟؟؟
جاوبوني
زهرة الربيـع- عدد المساهمات : 4590
نقاط : 32301
تاريخ التسجيل : 26/12/2008
العمر : 42
الموقع :
صفحة 1 من اصل 2 • 1, 2
صفحة 1 من اصل 2
صلاحيات هذا المنتدى:
لاتستطيع الرد على المواضيع في هذا المنتدى