عاجل إلى مافيا

الحمد لله على السلامة .. أنستينا .. وتوا نبي أنبصلك عليهم .. أهو ريتيهم كلهم مش قاعدين ، راقدين ومسيبين المنتدى هكي وخلاص ، حتى الوصية اللي عقبتيها لهم معدلوش عليها .. ريتي أنا الوحيد اللي قاعد أمسهري و نحيي في المنتدى .. المهم نبولهم عقاب كبير بكل جميع الأعضاء بأستثنائي أنا طبعاً .. نورتي المنتدى مرة أخرى ... تحياتي ...

لالالالالالالالالالالا ... لا ماكنتيش قاعدة يازهرة المنتدى لما زرقت عليكم المافيا على غفلة .. الفصل كان فاضي إلا مني أنا وبس .. شكلك كنتي تحت الدرج تاكلي في الفطور .. قولي الحقيقة ..

حيه حيه كيف صار فيها تعريض في التسريح .. غير وسعوا بالكم شويه .. ياأبله مافيا راهو الزهرة قاعدا من أمبدريييييييي في المنتدى .. من أول أمس ماروحت بكل المسكينة وتكتب في المواضيع وترد عاللي يكتب وأخرى هيا اللي مسحت السبورة .. لا غير أنا أمبدري ماشفتهاش ... أهو الحمد لله رقعناها ،، الواحد توا أيحل خيرله .. باهي السلام عليكم ..

مافيش تاسريح ولا اي حاجة عندكم 7 حصص من جاي وغادي
وحتي الفطور مافيش وماعاش في تبري القلم جيبوا قلم بوينت

واللي غايبين توا انشوف حسابي معهم نزلوهم في الادارة انتفاهم معهم

ياعليك حاله .. اللي إيقول الحق في البلاد هذي يقولوا عليه بصاص .. خلاص يامافيا شوفي حد غيري إيقولك شنو صار في غيابك وحتى الهديه اللي جبتيها عشان خاطر البصاصة قصدي نقل أخبار المنتدى توا أنردها لك .. بعد خطرها ياسحابه وين المطر اللي تحكي عليها .. تي كلها عجاج .. ايوا ممكن المطر أتكون عندكم فوق في السحاب ... أسملا علينا نحنا في الأرض مافيش مطر بكل .. يلا يامظلوم معاك الله .. وإلى اللقاء في البصة الجايه ...

لا مافيش زعل ومافيش بصاصة .. نقل أخبار فقط لاغير (نشولة).. تحياتي لكم ..

اهلاوى مهمتك الجايه كا رئيس للفصل .. جيبلنا اخبار عن المفقود السهم .. وين كارس وكنا معش دار الواجب بتاعه ..
راهو الموضوع في وجهك اصرف اطير تنزل لازم تجيبلى النيوووووووووووز ...

اوووووووووووووو ياسحابه خليك في حالك .. المهمه هذي كلفتني بيها المافيا .. وأنا كلفت اللهو الخفي عشان إيجيبو أخبار السهم وفي أي تركينا راشق .. قصدي قاعد .. يقرأ وإلا غير أطروح .. والله يطلع مايقرش حيه عليه وحيه .. المهم بكرا عندي موعد مع اللهو في قهاوي سوق الحوت وحناخذ الخبر وأنبلغكم .. (تسأل عن السهم كل ركب وعند اللهو الخبر اليقين).. مع أحترامي لجهينة........ تحياتي ....

خلاص أنا عليا وقلتلكم...
اللهم قد بلغت اللهم فأشهد...
مش بعدها تطلبوني شاهد انا ماشفتش شئ...